今日係上呢個酥皮奶皇月…….上完堂攪到成身都係奶酥味……好似自己都變咗個月餅咁……爭在未焗埋我一份。

玩完一輪，得出個結論係：

都唔酥嘅～

好多時我都咁問自己：「你係咪癲o架？」

好似整o野食咁……新年整年糕，端午整粽，中秋整月餅，再o黎係咪整鑊勁D？

我諗唔會喇……暫時都冇o野想學……最想學都係珍珠雞！

其實好想俾心機去做蛋糕，對住個蛋糕硬係無心機去裝飾。因為永遠覺得，味道最重要。但係好簡單一樣o野，若然唔睇得…..都無人問津啦~~~~呵呵~~~

個心真係灰晒。。。

你有冇目標o架？

我冇o架喎。

你知唔知自己做緊咩o架？

唔知o架。

咁你做D o野為乜呀？

冇諗過喎。

有冇夢想o架你？

以前有，而家冇囉~

咁你夢想係咩呀？

咁耐，唔記得囉……

唔記得，咁你記得D咩呀？

唔知呀。

有咩你係知o架？

下？咁深o既~

哦…..咁無o野囉….拜拜

拜拜囉

今日個妹生日……叫咗好多人o黎同佢慶祝，呵呵~~~

好攰…..

等啲人散晒之後，小睡片刻…….就起身開工整月餅喇……

因為買咗4斤蓮蓉都未整……

不如睇下相先~

呢個係單黃月餅，好鍾意個花呀~~~呵呵~~~

呢個勁喇….雙黃蓮蓉月~哇哈哈~

禮盒裝，係咪好正呢！

迷你月餅

仲有加菲月餅仔

呵呵~~~如果聽日唔駛返工就好喇…….

好攰呀~

今日同朋友去咗樂天買咗6斤白蓮蓉
係屋企樓下買咗32隻咸蛋….
做咗78個月餅….
我搵咗4個影相….keep咗2個~

限時係11點前我朋友可以離開我屋企返元朗…由4點幾開始….做到10點….
係有限o既時間做咁多月餅….唯有用膠模！

玩到咁盡…好攰呀~